DOG - Xunta de Galicia -

Diario Oficial de Galicia
DOG Núm. 215 Martes, 10 de novembro de 2026 Páx. 56529

VI. Anuncios

b) Administración local

Concello de Vigo

ANUNCIO do 15 de outubro de 2026, da Xerencia Municipal de Urbanismo, de trámite de información pública do convenio urbanístico de execución de planeamento, zona 1, praza de España, sobre as parcelas sitas entre a avenida Gran Vía, a rúa Honduras, a rúa Caracas e a rúa Fernando Conde (expediente 5371/401).

A Xunta de Goberno Local do Concello de Vigo, na súa sesión ordinaria do día 27 de marzo de 2026, acordou aprobar o proxecto de texto inicial, que figura anexo á súa certificación, co seguinte título: Proposta de convenio urbanístico de execución de planeamento, zona 1, praza de España, sobre as parcelas sitas na praza de España, entre a avenida Gran Vía, a rúa Honduras, a rúa Caracas e a rúa Fernando Conde.

O devandito convenio asinouse o 13 de outubro de 2026 nas dependencias da Xerencia Municipal de Urbanismo do Concello de Vigo.

De conformidade co disposto no artigo 401.2 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia, unha vez negociados e subscritos os convenios, estes someteranse ao trámite de información pública mediante un anuncio publicado no Diario Oficial de Galicia e nun dos xornais de maior difusión da provincia, por un período mínimo dun mes (artigo 168.1 da Lei do solo de Galicia).

Poderá consultarse o convenio asinado o 13 de outubro de 2026, xunto coa certificación do acordo íntegro adoptado pola Xunta de Goberno Local o 27 de marzo de 2026, na seguinte ligazón: https://hoxe.vigo.org/movemonos/urb_plan_convenios.php?lang=gal

Vigo, 15 de outubro de 2026

María José Caride Estévez
Concelleira delegada da Área de Goberno de Urbanismo e Vivenda