Ás 10.00 horas do día 26.11.2026 terá lugar a poxa pública presencial de dous lotes de dereitos de propiedade incorporal constituídos por aforro de enerxía final, xerados con motivo dunhas obras de eficiencia enerxética, cuxo alleamento foi acordado pola Orde da Consellería de Facenda e Administración Pública do 9 de novembro de 2026.

A poxa terá lugar na sala 1 da Consellería de Facenda e Administración Pública do Edificio Administrativo de San Caetano, en Santiago de Compostela.

O aforro de enerxía final obxecto de venda distribúese en dous lotes:

Lote 1:

Inmoble	Actuación	Aforro KWh/ano	Valor
CEIP Oza dos Ríos	Rehabilitación integral	181.426	36.035,56 €
CPI San Vicente da Baña	Rehabilitación integral	223.938	44.479,46 €
IES Pobra do Caramiñal	Rehabilitación integral	434.879	86.377,41 €

Tipo de licitación inicial: 166.892,43 €.

Tramo de poxa: 1.000,00 €.

Importe mínimo: 84.024,30 €.

Lote 2:

Inmoble	Actuación	Aforro KWh/ano	Valor
Edificio Administrativo de Monelos A Coruña	Mellora da eficiencia enerxética	476.309	94.606,40 €
Centro de Menores A Carballeira (Ourense)	Renovación	146.152	29.029,29 €
IES de Curtis	Rehabilitación integral	709.870	140.997,22 €

Tipo de licitación inicial: 264.632,91 €.

Tramo de poxa: 1.000,00 €.

Importe mínimo: 46.631,59 €.

O procedemento para a adxudicación do aforro de enerxía final será o de poxa pública á baixa nun acto público con ofertas a viva voz. Para tomar parte na poxa non é requisito a constitución de garantía previa.

Os pregos de condicións que rexen o alleamento dos dereitos están á disposición das persoas interesadas na páxina web da Consellería de Facenda e Administración Pública: http://www.conselleriadefacenda.es/a-conselleria/transparencia/contratacion-patrimonial/poxas/vendas

Teléfonos de información: 981 54 41 51 ou 981 95 78 11 (Subdirección Xeral do Patrimonio da Consellería de Facenda e Administración Pública).

Santiago de Compostela, 9 de novembro de 2026

José María Barreiro Díaz
Director xeral de Simplificación Administrativa e do Patrimonio