De conformidade cos artigos 44 e 46 da Lei 39/2015, do 1 de outubro, do procedemento administrativo común das administracións públicas, emprázase á persoa interesada que se indica no anexo para lle notificar o acto administrativo ditado nos expedientes administrativos instruídos consonte o disposto no artigo 172.1 do Código civil e demais normas de aplicación, os cales tamén figuran no anexo.
Os expedientes atópanse á disposición da dita persoa interesada ou da persoa que a represente, debidamente acreditada, no Servizo de Familia, Infancia e Dinamización Demográfica do Departamento Territorial de Lugo da Consellería de Política Social e Igualdade, rolda da Muralla, 70, planta baixa, onde, no prazo de dez (10) días hábiles, contados desde o día seguinte á data de publicación deste anuncio no Boletín Oficial del Estado, poderá comparecer para coñecer o contido íntegro do acto administrativo de luns a venres laborables, das 9.00 ás 14.00 horas, advertíndoselle que de non o facer se terá por efectuada a notificación ao vencemento do prazo indicado para comparecer.
Este anuncio publicarase no Diario Oficial de Galicia, se ben que a notificación quedará supeditada á súa publicación no Boletín Oficial del Estado.
Así mesmo, advírtese que desde o día seguinte ao de notificación do acto de comunicación do inicio do trámite de audiencia, efectuada por comparecencia, terá dez (10) días hábiles para presentar as alegacións, suxestións e/ou documentación que considere procedentes.
Lugo, 26 de outubro de 2026
Óscar Viñas Penelas
Director territorial de Lugo
ANEXO
Núms. dos expedientes: 2024/226/15, 2024/227/15.
Persoa interesada: Jonathan Enrique Molina Ruíz.
Acto administrativo que se notifica:
– Oficio de comunicación do inicio do trámite de audiencia do 8 de outubro de 2026.
