A Coruña, 2 de outubro de 2024

A delegada da Xunta na Coruña, Belén do Campo, reuniuse con Rafael Vidal, presidente da Asociación de Técnicos de Protocolo de Galicia e Presidente Nacional do Observatorio Profesional de Protocolo e Eventos. 

No encontro a delegada recolleu as súas propostas como a necesidade de seguir avanzando no recoñecemento profesional para os titulados de Grao de Protocolo e Organización de Eventos e comprometéronse a abrir liñas de colaboración entre a entidade e a Xunta.

Coincidiron tamén na importancia de manter altos estándares na organización de eventos e no feito de que a profesionalización neste campo segue marcando a diferenza.