Santiago de Compostela, 17 de outubro de 2024

O director xeral de Loita contra a Violencia de Xénero, Roberto Barba, presentou esta tarde as XIII Xornadas da Rede Galega contra a Trata que este ano versan sobre ‘A demanda da prostitución como causa das violencias’.

Roberto Barba amosou o firme compromiso do Executivo galego na loita contra os delitos de trata e explotación sexual. Así mesmo, o director xeral destacou que a atención ás vítimas é unha prioridade, polo que dende a Xunta se poñen en marcha todos os mecanismos para axudar na reparación dos danos cada vez que se detecta un caso.