Lugo, 24 de marzo de 2025

O delegado territorial da Xunta, Javier Arias, reuniuse hoxe con responsables do club DH Galicia para avanzar nos apoios da Xunta a unha nova edición do Descenso Urbano (DHU) Vila de Sarria.

Arias destacou a colaboración do Goberno galego en anteriores edicións deste encontro, consolidado como “unha cita de referencia en España”, cunha cifra crecente de participantes e visitantes e cunha ampla cobertura mediática, “o que supón un importante impulso para a dinamización económica e turística de Sarria e da provincia”.