A Estrada (Pontevedra), 25 de xuño de 2025

O delegado territorial da Xunta en Pontevedra, Agustín Reguera, visitou esta mañá as empresas Ausavil e Ausama, nos concellos de Silleda e A Estrada respectivamente.

O delegado coñeceu as instalacións destas dúas empresas que son un referente na fabricación e distribución de maquinaria de limpeza agrícola e de xardín e que contan cunha gran proxección tanto dentro como fora das fronteiras españolas.

Reguera destacou a importancia de apoiar ás entidades que, “ademais de xerar emprego no rural, contribúen a mellorar aínda máis a boa fama dos produtos elaborados en Galicia”. O delegado fixo especial fincapé na filosofía destas empresas rexentadas por dous irmáns que apostan por utilizar sempre que é posible produtos fabricados en Galicia: “unha aposta decidida pola proximidade e pola calidade”.