Lugo, 2 de xullo de 2025

A conselleira do Medio Rural, María José Gómez, salientou hoxe a importancia de dotar de valor engadido á produción de leite en Galicia como fórmula para impulsar a competitividade e sustentabilidade do sector na nosa comunidade.

Así o trasladou con motivo dunha reunión cun grupo de investigadores do Campus Terra da Universidade de Santiago de Compostela (USC). Este equipo é o promotor de PRO A2 Health, unha spin-off centrada no desenvolvemento de fórmulas infantís e outros produtos dietéticos a base de leite enteiro A2 galego, libre de β-caseína A1, incorporando ademais outras melloras froito de anos de investigación nesta materia.