Ourense, 10 de novembro de 2025

O conselleiro de Sanidade, Antonio Gómez Caamaño, e o conselleiro de Emprego, Comercio e Emigración, José González, asistiron hoxe ao acto de entrega do Premio Ourensanía 2025 ao doutor Rafael López, xefe de Servizo de Oncoloxía Médica do Hospital Clínico Universitario de Santiago. O delegado territorial da Xunta en Ourense, Manuel Pardo, tamén estivo presente na homenaxe.

O Teatro Principal de Ourense acolleu un acto no que se recoñeceu a traxectoria profesional e as achegas científicas do oncólogo nado en Vilamartín de Valdeorras.

Ademais da súa dilatada traxectoria clínica e investigadora, o doutor Rafael López conta cunha longa experiencia como docente na Facultade de Medicina da Universidade de Santiago, ademais de ser o actual o presidente da ASEICA (Asociación Española de Investigación contra o Cancro). Destaca a súa participación como investigador principal en máis de 150 ensaios clínicos, ademais de contar con máis de 200 publicacións científicas presentadas en distintos congresos do eido da oncoloxía.