Galicia necesita aumentar as reservas de sangue dos grupos A Positivo, A Negativo e Cero Negativo
A vaga de gripe e enfermidades víricas respiratorias diminuíu as reservas dos grupos sanguíneos polo que é preciso aumentar as doazóns de sangue nas vindeiras xornadas
Santiago de Compostela, venres 5 de decembro de 2025
A Axencia de Doazón de Órganos e Sangue (ADOS) apela á solidariedade dos galegos e galegas e fai un chamamento á participación da cidadanía. O vaga de gripe e enfermidades víricas respiratorias ten menoscabado a participación dos doantes polo que as reservas dos distintos grupos sanguíneos ten diminuído.
Neste momento, o chamamento é xeneralizado á participación de todos os doantes pero, moi especialmente, aos grupos A Positivo, A Negativo e Cero Negativo.
A ADOS dispón de sete locais de doazón nas sete grandes cidades galegas e dez unidades móbiles que efectuarán, nas vindeiras xornadas, os seguintes desprazamentos:
|
DATA |
DESPRAZAMENTOS |
|
Venres 5 de decembro |
Abegondo, Cabanas, Carballo, Ribeira, Bertamiráns (Ames), Burela, Ribadavia, Cambados, Cangas do Morrazo e Porriño |
|
Martes 9 de decembro |
Cedeira, Kimak, Teixeiro (Curtis), Jealsa (Bodión), Muros, Ronda das Fontiñas (Lugo), Quiroga, Barrio Rúa do Paseo (Ourense), Mondariz, Ribadumia e Tomiño |
|
Mércores 10 de decembro |
Repsol e Barrio Os Mallos (A Coruña), Muxía, Jealsa (Bodión), Miño, Praza Roja (Santiago), Praza Maior (Lugo), A Cañiza, O Rosal, Zona da Ferraría (Pontevedra) e Barrio do Calvario (Vigo) |
|
Xoves 11 de decembro |
Praza de España (Ferrol), Polígono da Grela e Cantón-Obelisco (A Coruña), Cambre, Escurís, Milladoiro (Ames), Viveiro, Barrio estación (Ourense), Arbo, Rúa Príncipe e Barrio Torrecedeira (Vigo) e Vilanova de Arousa |
A Axencia, agradecer o compromiso de todos os galegos e galegas que doan sangue e convida a todos aqueles que aínda non o fixeron, a que den o paso solidario de acudir ata unha unidade móbil ou un local da ADOS e realicen esa doazón que permite, cada día, a moitos doentes solucionar graves problemas de saúde.
Para máis información, ADOS dispón do sitio web: https://ados.sergas.gal, as súas redes sociais, e o teléfono gratuíto: 900 100 828, para resolver calquera dúbida relacionada coa doazón de sangue ou coñecer a data dos desprazamentos das unidades móbiles.
Documentos relacionados
-
Programación de desprazamentos das unidades móbiles da Axencia de Doazón de Órganos e Sangue (ADOS) para a vindeira semana e o semáforo do sangue
