Lugo, 4 de xaneiro de 2026

O delegado territorial da Xunta en Lugo, Javier Arias, participou na entrega de premios do torneo “Lugo Open 2026”, que reuniu no Círculo das Artes a algúns dos máis habilidosos xogadores co cubo de Rubik para competir en distintas modalidades.

A competición ten carácter oficial e está impulsada desde a Asociación Española de Speedcubing, co apoio da Xunta de Galicia, e conforme ás categorías e regras establecidas pola World Cube Association. Arias agradeceu aos organizadores “que abriran este espazo para os numerosos lucenses que están interesados nesta disciplina e que hoxe desfrutaron coa asombrosa destreza dos participantes”.