A Xunta aborda vías de colaboración co concello de Outes para a mellora de infraestruturas deportivas
O conselleiro de Presidencia, Xustiza e Deportes, Diego Calvo, e o alcalde de Outes, Francisco Calo, mantiveron unha reunión para coñecer as demandas do municipio, como a necesidade de executar melloras nas instalacións municipais nas que adestra o club de tenis Portosiavo
Santiago de Compostela, 9 de xaneiro de 2026
O conselleiro de Presidencia Xustiza e Deportes, Diego Calvo, vén de reunirse co alcalde de Outes, Francisco Calo, para escoitar as principais necesidades do municipio e avaliar posibles vías de colaboración no marco do compromiso da Xunta coas entidades locais.
Entre os asuntos tratados, avaliouse a posibilidade de levar a cabo melloras nas instalacións municipais nas que adestra o club de tenis Portosiavo.
Así, o Goberno galego mantén un compromiso claro coas entidades locais para facilitarlles a prestación de servizos municipais de calidade á veciñanza con independencia do seu lugar de residencia.
Do mesmo xeito, a Xunta aposta con iniciativas como as executadas ou previstas en Outes polo fomento dunha vida activa e saudable entre a poboación ao facilitar o acceso á práctica regular da actividade física.
Imaxes relacionadas
