Ferrol, 17 de febreiro de 2026

A delegada territorial da Xunta en Ferrol, Martina Aneiros, recibiu esta mañá no seu despacho a representantes do Club do Mar de Ferrol co fin de coñecer as actividades e proxectos nos que se atopa inmersa a entidade e seguir avanzando na colaboración con esta entidade deportiva.

O encontro enmárcase na rolda de contactos que a delegada territorial vén mantendo co tecido asociativo da zona co obxecto de coñecer de primeira man as súas  necesidades e demandas relacionadas coa Administración autonómica.