O seguimento na quenda de tarde da folga de facultativos de atención primaria acada o 4,69 % na Sanidade Pública Galega
A Consellería de Sanidade insta ao sindicato O'Mega a sumarse ao acordo maioritario sobre atención primaria para evitarlles a pacientes e profesionais os efectos dun paro indefinido
Santiago de Compostela, 10 de marzo de 2026
O seguimento da folga de facultativos de atención primaria convocada pola organización sindical O’Mega na quenda de tarde deste martes foi do 4,69 % nos centros sanitarios da comunidade galega.
Por áreas sanitarias, o seguimento na área sanitaria da Coruña e Cee foi do 3,31 %; na de Santiago de Compostela e Barbanza, 1,75 %; na de Ourense, Verín e O Barco de Valdeorras, 2,99 %; na de Pontevedra e O Salnés, 2,38 %; e na de Vigo, 13,33 %. A folga non tivo seguimento na área sanitaria de Ferrol e na de Lugo, A Mariña e Monforte de Lemos.
O Servizo Galego de Saúde conta na xornada de hoxe coa cobertura do 100 % dos servizos mínimos, garantindo a actividade asistencial urxente e de emerxencias.
Como consecuencia da folga de facultativos de atención primaria convocada pola organización sindical O’Mega, en seis xornadas de folga suspendéronse 30.574 consultas en Galicia.
A Consellería de Sanidade insta a O'Mega a sumarse ao acordo maioritario sobre atención primaria para evitarlles a pacientes e profesionais os efectos dun paro indefinido.
