Santiago de Compostela, 17 de marzo de 2026

O seguimento da folga de médicos na quenda de tarde deste martes acadou o 2,28 % en atención hospitalaria e o 2,78 % en atención primaria. No conxunto dos dous niveis asistenciais, a folga tivo un seguimento do 3 %.

Na xornada deste martes conflúen a folga médica convocada a nivel nacional contra o Estatuto Marco promovido polo Goberno central e a folga de atención primaria.

A porcentaxe de participación nos sete grandes hospitais do Servizo Galego de Saúde, na quenda de tarde, acadou o 2,76 %. En canto aos hospitais comarcais, a folga non tivo seguimento.

Por centros hospitalarios, o paro foi secundado polo 5,56 % no caso do Hospital Universitario Lucus Augusti; o 6,52 % no Complexo Hospitalario Universitario de Ourense; e o 4,23 % no Complexo Hospitalario Universitario de Pontevedra. Nesta quenda de tarde, a folga non tivo seguimento no Complexo Hospitalario Universitario da Coruña; no Santiago de Compostela; no Complexo Hospitalario Universitario de Ferrol; e no Complexo Hospitalario Universitario de Vigo.

No caso dos hospitais comarcais, a folga non tivo seguimento nesta quenda de tarde.

En canto ao seguimento en atención primaria na quenda de tarde, por áreas sanitarias, foi o seguinte: área sanitaria da Coruña e Cee, 3,66 %; área sanitaria de Santiago de Compostela e Barbanza, 1,75 %; área sanitaria de Ourense, Verín e O Barco de Valdeorras, 1,67 %; e na área sanitaria de Vigo, do 5,88 %. Na área sanitaria de Ferrol; na área sanitaria de Lugo, A Mariña e Monforte de Lemos; e na de Pontevedra e O Salnés, non tivo seguimento.

Nas entidades sanitarias como son a Axencia Galega de Doazón de Sangue, Órganos e Tecidos (ADOS), a empresa pública de servizos sanitarios Galaria e a Fundación Pública Urxencias Sanitarias de Galicia-061, non se rexistrou seguimento da folga na quenda de tarde.

O Servizo Galego de Saúde conta na xornada de hoxe coa cobertura do 100 % dos servizos mínimos, garantindo a actividade asistencial urxente e de emerxencias.