O seguimento na quenda de tarde deste venres da folga médica acada o 2,37 % en atención hospitalaria e o 3,90 % en atención primaria
No conxunto dos dous niveis asistenciais, a folga tivo un seguimento do 3,08 %
Nos sete grandes hospitais a porcentaxe de participación foi do 2,85 % e do 0 % nos comarcais
O maior seguimento nos grandes hospitais rexistrouse no Complexo Hospitalario Universitario de Ourense, cun 7,04 %, e non houbo seguimento do paro nos complexos hospitalarios da Coruña, Santiago, Ferrol e de Vigo
No que atinxe á atención primaria, a área con máis seguimento foi a de Vigo, cun 8,13 %, e a que menos a de Lugo, na que non houbo seguimento do paro
En termos globais, a folga médica acada na sanidade pública o 3,06 %
Santiago de Compostela, 20 de marzo de 2026
O seguimento da folga de médicos na quenda de tarde desde venres acadou o 2,37 % en atención hospitalaria e o 3,90 % en atención primaria. No conxunto dos dous niveis asistenciais, a folga tivo un seguimento do 3,08 %.
Na xornada deste venres conflúen a folga médica convocada a nivel nacional contra o Estatuto Marco promovido polo Goberno central e a folga de atención primaria.
A porcentaxe de participación nos sete grandes hospitais do Servizo Galego de Saúde, na quenda de tarde, acadou o 2,85 %. En canto aos hospitais comarcais, o paro non tivo seguimento na quenda de tarde deste venres.
Por centros hospitalarios, o paro foi secundado polo 5,97 % no caso do Hospital Universitario Lucus Augusti; polo 7,04 % no Complexo Hospitalario de Ourense; e o 3,64 % no Complexo Hospitalario de Pontevedra. Non tivo seguimento no Complexo Hospitalario da Coruña; no Complexo Hospitalario Universitario de Santiago de Compostela; no Complexo Hospitalario Universitario de Ferrol; nin no Complexo Hospitalario Universitario de Vigo.
O paro non tivo seguimento na quenda de tarde deste venres no caso dos hospitais comarcais.
En canto ao seguimento en atención primaria na quenda de tarde, por áreas sanitarias, foi o seguinte: área sanitaria da Coruña e Cee, 3,16 %; área sanitaria de Santiago de Compostela e Barbanza, 1,75 %; área sanitaria de Ferrol, 2,78 %; área sanitaria de Ourense, Verín e O Barco de Valdeorras, 4,76 %; área sanitaria de Pontevedra e O Salnés, 5 %; e área sanitaria de Vigo, do 8,13 %. O paro en atención primaria non foi secundado esta tarde na área sanitaria de Lugo, A Mariña e Monforte de Lemos.
Pola súa banda, en entidades sanitarias como son a Axencia Galega de Doazón de Sangue, Órganos e Tecidos (ADOS), a empresa pública de servizos sanitarios Galaria e a Fundación Pública Urxencias Sanitarias de Galicia-061, o seguimento na quenda de tarde acadou o 2,38 %.
En termos globais, a folga médica acada na tarde deste venres o 3,06 %.
O Servizo Galego de Saúde conta na xornada de hoxe coa cobertura do 100 % dos servizos mínimos, garantindo a actividade asistencial urxente e de emerxencias.
