Santiago de Compostela, 23 de marzo de 2026

O seguimento da folga de facultativos de atención primaria convocada pola organización sindical O’Mega na quenda de mañá deste luns foi do 3,68 % nos centros sanitarios da comunidade galega. En toda a comunidade foron 80 os profesionais que secundaron o paro.

Por áreas sanitarias, o seguimento na área sanitaria da Coruña e Cee foi do 4,27 %; na de Ferrol do 3,91 %; na de Santiago de Compostela e Barbanza do 3,33 %; na de Lugo, A Mariña e Monforte de Lemos do 1,48 %; na de Ourense, Verín e O Barco de Valdeorras  do 0,90 %; na de Pontevedra e O Salnés do 2,91 %; e na de Vigo, 6,87 %.

En canto ao número de profesionais que secundaron o paro por áreas sanitarias foi o seguinte: 15 na área sanitaria da Coruña e Cee; 5 na área sanitaria de Ferrol; 13 na área sanitaria de Santiago de Compostela e Barbanza; 4 na área sanitaria de Lugo, A Mariña e Monforte de Lemos; 3 na área sanitaria de Ourense, Verín e O Barco de Valdeorras; 6 na área sanitaria de Pontevedra e O Salnés; e 34 na área sanitaria de Vigo.

O Servizo Galego de Saúde conta na xornada de hoxe coa cobertura do 100 % dos servizos mínimos, garantindo a actividade asistencial urxente e de emerxencias.

Como consecuencia da folga indefinida de facultativos de atención primaria convocada o pasado dous de marzo pola organización sindical O’Mega, en 14 xornadas suspendéronse en total 65.722 consultas.

A Consellería de Sanidade insta a O'Mega a sumarse ao acordo maioritario sobre atención primaria para evitarlles a pacientes e profesionais os efectos dun paro indefinido.