Santiago de Compostela, 2 de abril de 2026

A Consellería do Medio Rural informa de que o incendio forestal rexistrado no concello pontevedrés de Arbo, parroquia de Cabeiras, deuse por extinguido ás 11.57 horas de hoxe.

Este lume iniciouse ás 22.22 horas de onte mércores e afectou finalmente unha superficie de 33 hectáreas, todas elas de monte raso. Para a súa extinción mobilizáronse, en conxunto, 3 axentes, 10 brigadas e 7 motobombas.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais que acadan as 20 hectáreas poderá ser consultada na conta aberta de X (antigo twitter): @incendios085.