Ribeira (A Coruña), 9 de agosto do 2026

As conselleiras do Mar, Marta Villaverde, e de Política Social e Igualdade, Fabiola García, asistiron hoxe á X Festa da Navalla de Aguiño, onde destacaron a calidade dos peixes e mariscos galegos.

Durante a inauguración da festa, coa que colabora a Consellería do Mar, as responsables autonómicas reivindicaron a importancia de eventos gastronómicos coma este para promocionar o consumo dos bivalvos galegos, que son de gran calidade e que, ademais, axudan á dinamización socio-económica das vilas mariñeiras.

Tamén destacaron o labor dos profesionais do mar en garantir a sustentabilidade dos recursos mariños e na promoción e posta en valor dos seus propios produtos.