Ames (A Coruña), 8 de setembro de 2026

O secretario xeral para o Deporte, Roberto García, e o comisario do Xacobeo 2027, Marcos Gómez Román, participaron hoxe en Ames na presentación do Campionato do Mundo 100K. A proba, unha das competicións máis esixentes e prestixiosas do calendario internacional do atletismo de longa distancia, disputarase o domingo 20 de setembro e reunirá ao redor de 600 atletas de elite procedentes de máis dunha vintena de países, que deberán darlle dez voltas aos 20 quilómetros do circuito de Sisalde.