Santiago de Compostela, 13 de setembro de 2026

Galicia pechou o mes de xuño como a Comunidade que máis rápido paga aos seus provedores, cunha media de 15,3 días; é dicir, 8,1 días por debaixo da media autonómica que se situou en 23,4 días. Así se desprende dos datos oficiais publicados hoxe polo Ministerio de Hacienda sobre o Período Medio de Pago das CC.AA.

Así mesmo, Galicia tamén se situou máis de 14 días por debaixo do límite de 30 que establece a normativa estatal.

Débeda comercial

Por outra banda, Galicia é a terceira Comunidade autónoma con menor porcentaxe de endebedamento comercial, un 0,11 %, por debaixo da media autonómica, que foi do 0,32 %. A débeda comercial do conxunto de comunidades era de 5.620 millóns de euros, dos que so 194 millóns – o 3,4 %- corresponden a Galicia.

Facturas dos provedores galegos

Segundo datos da Consellería de Facenda e Administración Pública,  ao longo do primeiro semestre deste ano, a Xunta destinou case 2.400 millóns de euros para pagar as preto de 390.000 facturas dos máis de 11.000 provedores da Administración autonómica, entre empresas, pemes e autónomos do tecido produtivo galego.