Vigo, 5 de outubro de 2026

A conselleira do Mar, Marta Villaverde, acompañada do director xeral de Pesca, Acuicultura e Innovación Tecnolóxica, Isaac Rosón, participou esta noite no cóctel do XIV Congreso Internacional Conxemar-FAO, celebrado no Palacio de la Oliva, en Vigo.

O encontro permitiu á responsable autonómica compartir espazo con representantes da cadea mar-industria e reforzar unha liña de diálogo directo e escoita activa co sector, nun contexto marcado polos retos da innovación, a competitividade e a transformación da actividade pesqueira e acuícola.