Santiago de Compostela, 14 de outubro de 2026

O director xeral de Pesca, Acuicultura e Innovación Tecnolóxica, Isaac Rosón, reuniuse hoxe co patrón maior da Confraría de Pescadores de Rianxo, Miguel Ángel Iglesias, para abordar temas de interese para a entidade relacionados cos seus principais recursos, como a volandeira.

Na reunión, que se enmarca na escoita activa da Consellería do Mar co sector, tamén se tratou a importancia do seguimento da actividade e das medidas de control, especialmente na pesqueira desta especie, así como outras cuestións como as relacionadas coas accións que poden ser subvencionables polo Fondo Europeo Marítimo, de Pesca e de Acuicultura (Fempa).