Actualidade
Ten dispoñibles para consulta 565 novas da área temática Auga:
A Xunta contribúe a eliminar catro puntos de vertido de augas residuais en concellos da comarca de Pontevedra e da súa contorna
Os técnicos do Programa de Control de Vertidos, dependente de Augas de Galicia, detectaron a maior parte das incidencias durante os seus labores rutineiros
Xosé Merelles destaca que o novo Palacio da Auga de Mondariz engade valor diferenciador á proposta turística termal galega
Pon en valor o Plan Territorial de Sustentabilidade Turística en Vilas Termais e Centros históricos deseñado pola Xunta de Galicia de 23M€ e activo durante todo este ano
A Xunta avaliará a eficiencia de case 70 depuradoras de augas residuais para avanzar no obxectivo de que o 100% do seu consumo proveña de fontes renovables
Augas de Galicia acaba de adxudicar por 1,2 M€ o contrato para realizar auditorías sobre as necesidades actuais destas instalacións e a posibilidade de aplicar enerxías limpas que contribúan a reducir os custos económicos e a optimizar a súa xestión
Ángeles Vázquez e o alcalde de Coristanco avalían posibles actuacións en materia de augas no concello
O Goberno local traballa nos proxectos para ampliar a captación de auga, a ampliación do depósito municipal e a construción dunha nova estación depuradora, iniciativas das que presentará a documentación a Augas de Galicia para o seu estudo en profundidade
A Xunta concede este ano 4,7 M€ en axudas a concellos e comunidades veciñais para executar 265 actuacións que melloren os sistemas de abastecemento e saneamento
Ángeles Vázquez salienta que se triplicou o orzamento inicial das convocatorias de 2024 para chegar ao 100% dos concellos solicitantes e que cumprían os requisitos
A Xunta lanza un concurso para apoiar os concellos de menos de 20.000 habitantes que queiran dixitalizar as súas redes de abastecemento e optimizar o uso da auga
O Diario Oficial de Galicia publica hoxe a convocatoria deste procedemento, que conta cun orzamento de preto de 5,8 M€ e está dirixido a municipios interesados no desenvolvemento, implantación e posta en marcha dunha rede autonómica de estacións dixitais de seguimento continuo dos seus sistemas de abastecemento
A Xunta realizou no que vai de ano actuacións de conservación en máis de 150 quilómetros de ríos galegos cun investimento dun millón de euros
Ángeles Vázquez explicou que os traballos consisten na retirada de árbores caídas nas canles fluviais, a limpeza das marxes, o control de especies exóticas invasoras e a eliminación de obstáculos que impidan o discorrer libre das augas
A Xunta realiza a primeira xornada de probas de sirenas de aviso á poboación das presas de Galicia
Fanse co obxectivo de garantir a operatividade e non afectan á actividade diaria da veciñanza, pero nalgunhas zonas serán audibles
