Galicia pecha o primeiro trimestre do ano sendo a 3ª comunidade con menor endebedamento por habitante de España

Cada galego debe 2.164 euros menos que a media autonómica

O Banco de España volve situar á comunidade galega como a terceira de réxime común con menor endebedamento

Ademais, Galicia amplía ata 7,3 puntos o diferencial coa media das comunidades

Galicia é a comunidade autónoma con menor aumento do volume de débeda desde o ano 2008

Con esta evolución, a Comunidade galega está en mellor situación para seguir loitando contra a pandemia e para impulsar a reactivación económica
 

Santiago de Compostela, 11 de xuño de 2021
Compartir
  • whatsapp

Galicia pechou o primeiro trimestre do ano sendo a 3ª Comunidade Autónoma con menor endebedamento por habitante de España. Así, a débeda por habitante sitúase en Galicia nos 4.349 euros fronte aos 6.513 euros da media de comunidades, co que cada galego debe hoxe 2.164 euros menos que a media autonómica.
Os datos de débeda segundo o Protocolo de Déficit Excesivo (PDE) publicados hoxe polo Banco de España mostran tamén que Galicia ampliou ata 7,3 puntos o diferencial de débeda coa media autonómica, o máximo histórico. O organismo regulador tamén volve situar á Comunidade Autónoma de Galicia como a terceira de réxime común con menor endebedamento de toda España.
En concreto, a ratio de débeda/PIB de Galicia situouse no 20,4% ao peche do primeiro trimestre do ano e subiu medio punto con respecto ao cuarto trimestre de 2020 para facer fronte ás necesidades extraordinarias derivadas da pandemia. Este indicador é 7,3 puntos inferior ao da media de comunidades (27,7%) e só superior ao de dúas comunidades autónomas de réxime común, Canarias e Madrid.

Volume de débeda

En canto á evolución do volume de débeda, os datos do Banco de España indican que a débeda do conxunto das comunidades autónomas situouse nos 307.316 millóns de euros, dos cales o 3,8% -11.738 millóns- se corresponden coa Comunidade Autónoma de Galicia.
O Banco de España ratifica ademais que Galicia é a comunidade autónoma con menor aumento de volume de débeda desde o ano 2008, exercicio no que comezou a tendencia ascendente na evolución do endebedamento no conxunto das administracións públicas de España, incluídas as comunidades autónomas.

A redución do endebedamento nos últimos exercicios fai que Galicia estea nunha mellor posición financeira para responder ás esixencias económicas derivadas dos efectos negativos do coronavirus e para poder seguir combatendo a pandemia, impulsar a reactivación económica e atender as necesidades das familias, pemes e autónomos.

 

 

DÉBEDA POR HABITANTE
 
 
1ºT 2021
1
Canarias
2.982
2
Andalucía
4.138
3
Galicia
4.349
4
Extremadura
7.799
5
Asturias
4.833
6
País Vasco
4.989
7
Madrid
5.233
8
La Rioja
5.238
9
Castilla-León
5.429
10
Navarra
5.708
11
Cantabria
5.735
 
MEDIA CC.AA.
6.513
12
Aragón
6.585
13
Murcia
7.182
14
Baleares
7.413
15

Castilla-La Mancha

7.664
16
Valencia
10.150
17
Cataluña
10.502

RATIO DE DÉBEDA/PIB POR CCAA

 
 

1ºT
2021

1
Canarias
15,9
2
País Vasco*
16,4
3
Madrid
16,5
4
Navarra*
20,0
5
GALICIA
20,4
6
La Rioja
20,9
7
Asturias
23,1
8
Andalucía
23,7
9
Castilla-León
24,3
10
Aragón
25,8
11
Cantabria
26,4
12
Extremadura
27,5
 
TOTAL CCAA
27,7
13
Baleares
29,9
14
Murcia
37,5
15
Cataluña
38,0
16
Castilla-La Mancha
41,0
17
Comunidad Valenciana
49,4
 

Imaxes relacionadas