A Xunta destina 320.000€ en axudas a 46 establecementos da bisbarra do Morrazo para acondicionar as terrazas e favorecer as vendas a domicilio

Os delegados territoriais da Xunta de Galicia en Vigo e Pontevedra, Marta Fernández-Tapias e Luis López, veñen de informar hoxe que o Goberno galego acaba de aprobar axudas por importe de case 320.000 euros para 46 establecementos de hostalaría da bisbarra do Morrazo para o acondicionamento de terrazas e o impulso das vendas a domicilio no marco das medidas paliativas para o sector fronte á crise sanitaria da covid-19.
Os representantes autonómicos, acompañados pola alcaldesa de Marín, María Ramallo, revelaron as achegas este mediodía nunha visita a Los Tres Monos de Aguete, que é un dos beneficiarios desta orde de axudas, coa que se pretende dotar da máxima seguridade á hostalaría, xa que a mesma está orientada á instalación, reforma e pechamento de terrazas, compra de mobiliario, adaptación de espazos exteriores e adquisición de elementos de envasado para o servizo a domicilio.

No que se refire ás axudas a esta bisbarra, a Xunta aprobou achegas para 16 establecementos de Cangas do Morrazo, dez de Moaña, dez de Marín e outros tantos emprazados no Concello de Bueu. Os beneficiarios investirán, de xeito global, case 400.000 euros e para elo recibirán axudas por un importe total de 317.923 euros da Xunta de Galicia, o que supón un cofinanciamento do 80%.

Gran interese polas axudas

“Esta medida, de gran importancia xa que axuda a conferir seguridade sanitaria aos establecementos e a impulsar as súas vendas, tanto no local como a domicilio, nun momento especialmente complicado pola covid-19, espertou un gran interese e moita demanda por parte do sector da hostalaría, especialmente de zonas costeiras e turísticas, como é o caso do Morrazo, o que demostra que as liñas da Xunta están indo en consonancia coas necesidades desta actividade económica”, explicaron os representantes autonómicos, que revelaron que inicialmente orzamentouse unha partida de 3 millons de euros para estas achegas pero, ante a elevada cifra de solicitudes, tivo que cuadriplicar o seu crédito ata alcanzar os 11 millóns.

A distribución destas achegas na bisbarra do Morrazo é a seguinte: