Arias destaca que a incorporación do Muvicla á Rede de centros museísticos de Galicia supón "maior proxección para esta singular proposta"

O delegado territorial de Lugo, Javier Arias, visitou hoxe o Museo Vivo e Integrado do Campo e da Locomoción Agraria (MUVICLA), situado en Trasliste (Láncara) e felicitou ao seu promotor, Marcos Vázquez Marey, pola recente integración na Rede de centros museísticos de Galicia aprobada pola Xunta, que suporá “maior proxección para esta singular proposta”, afirmou.
O MUVICLA está especializado na evolución da cultura agraria galega e os seus obxectivos son divulgar a evolución e o desenvolvemento da casa de labranza que lle dá soporte e, por extensión, da historia da mecanización da agricultura en Galicia. Tamén reflicte a transformación deste sector produtivo e ilustra os cambios producidos na sociedade rural galega desde mediados do século XX.