Miranda felicita á Casa de Galicia das Palmas de Gran Canaria polas súas iniciativas solidarias

  O secretario xeral da Emigración, Antonio Rodríguez Miranda, finalizou na Casa de Galicia das Palmas de Gran Canaria a rolda de visitas que realizou estes días ás entidades galegas situadas nesta comunidade autónoma. Nesta entidade puido comprobar as reformas realizadas nos últimos meses para seguir a recuperar o edificio plenamente.

Tamén aproveitou o seu paso por este centro para agradecerlles pola súa labor de difusión e promoción da cultura e lingua galega, así como a súa labor solidaria, que permite apoiar a numerosas familias con diferentes tipos de necesidades.

Deste xeito, cabe destacar a campaña benéfica de recollida de xoguetes na época do Nadal para as familias máis desfavorecidas da illa que se ven realizando dende fai anos e que supón unha media de recollida de máis de 14.000 xoguetes ao ano.

A Casa de Galicia das Palmas de Gran Canaria cunha escola de gaita e percusión e unha revista propia baixo o nome “Aturuxo”. Ademais, esta entidade iniciará en breve un obradoiro de cociña galega presencial.