A Axencia de Doazón de Órganos e Sangue agradece a resposta da sociedade galega ao chamamento para doar sangue
Grazas á xenerosidade da cidadanía foi posible recuperar as reservas de todos os grupos sanguíneos ata niveis normais
A Axencia de Doazón de Órganos e Sangue (ADOS) desexa transmitir a todas as persoas que acudiron a doar sangue, e están a doar nestes días, o seu recoñecemento, xa que grazas ao seu xeneroso xesto estanse recuperando, ata niveis axeitados, as reservas de todos os grupos sanguíneos. Da mesma maneira, quere estender o seu agradecemento aos medios de comunicación galegos que contribúen a difundir información relacionada coa necesidade de doar sangue nos momentos de reservas baixas, e a todas as persoas e institucións que facilitan que podamos atender a todos aqueles que se achegan a doar.
Xenerosidade da poboación galega
Desde ADOS queremos poñer en valor que grazas á solidariedade amosada por todos os doantes que responderon ao chamamento, centos de pacientes galegos poden recuperar a súa saúde.
A importancia de doar no Nadal
Por outra banda, cómpre lembrar que as próximas festas de Nadal requiren dun esforzo na participación da cidadanía, pois a demanda de compoñentes sanguíneos por parte dos hospitais non diminúe. Neste caso, salientar que durante todos os días do ano Galicia necesita entre 400 e 500 doazóns de sangue para garantir que os nosos centros hospitalarios conten en todo momento cos compoñentes sanguíneos precisos para o seu labor asistencial.
DATA | CONCELLOS |
Mércores 21 de decembro | Miño, Los Rosales (A Coruña), Carral, Santa Comba, Praza Roxa (Santiago), Barro, Ponte Caldelas, Balaídos (Vigo), Redondela, Cervo, Mondoñedo, Bº Estación (Ourense). |
Xoves 22 de decembro | Fene, Cambre, Oleiros, Melide, Pobra do Caramiñal, Cuntis, Porriño, García Barbón (Vigo), Paradela, Portomarín, Monforte, A Merca, Taboadela, Bº San Francisco (Ourense). |
Venres 23 de decembro | Praza de España (Ferrol), Praza Conchiñas (A Coruña), Sada, Rianxo, Área Central (Santiago), A Estrada, Navia e Valadares (Vigo), Monforte, o Carballiño. |
Sábado 24 de decembro | Praza de España (Ferrol), Obelisco (A Coruña), Área Central (Santiago), Navia (Vigo), Rúa do Paseo (Ourense) |
CENTRO | HORARIO |
HOSPITAL CLÍNICO UNIVERSITARIO DE SANTIAGO | Luns a venres das 8.00 ás 22.00 horas Sábado das 8.00 ás 15.00 horas |
HOSPITAL UNIVERSITARIO DA CORUÑA | Luns a venres das 8.00 ás 22.00 horas Sábado das 8.00 ás 15.00 horas |
HOSPITAL ARQUITECTO MARCIDE DE FERROL | Luns das 15.00 ás 22.00 horas Martes, mércores e xoves das 08.00 ás 15.00 horas Venres das 8.00 ás 22.00 horas |
HOSPITAL LUCUS AUGUSTI DE LUGO | Luns e venres das 15.00 ás 22.00 horas Martes, mércores e xoves das 08.00 ás 15.00 horas |
HOSPITAL UNIVERSITARIO DE OURENSE | Luns e venres das 15:00 ás 22:00 horas Martes, mércores e xoves das 8:00 ás 15:00 horas |
HOSPITAL PROVINCIAL DE PONTEVEDRA | Luns e venres de 08.00 ás 15.00 horas Martes, mércores e xoves de 15.00 horas a 22.00 horas |
HOSPITAL NICOLÁS PEÑA DE VIGO | Luns a venres das 8.00 ás 22.00 horas Sábados das 8.00 ás 15.00 horas |
Doar é moi sinxelo e seguro
Pode doar sangue calquera persoa maior de idade, que pese máis de 50 quilos e que non padeza nin teña padecido enfermidades transmisibles polo sangue. A doazón de sangue é un acto sinxelo que permite a moitas persoas solucionar o seu problema de saúde e mesmo salvar vidas. Ademais, sinalar que sempre están presentes as máis rigorosas medidas de seguridade.
Imaxes relacionadas
