O Plan Marco 2023-2024 deixou máis de 530.000 € na comarca do Salnés e Ullán
O delegado territorial visitou os traballos realizados en varios camiños de Meis con cargo ao Plan do ano pasado e anunciou a achega de 58.000 € que permitirá mellorar o acceso ás parcelas agrícolas das parroquias de Armenteira e Meis
A Xunta investiu máis de 3.277.278,86 M€ nas actuacións do Plan Marco na provincia de Pontevedra
Reguera lembrou a importancia da colaboración entre institucións
Meis, 30 de abril de 2024
O delegado territorial da Xunta en Pontevedra, Agustín Reguera, visitou esta mañá o concello de Meis con motivo das obras de mellora de camiños rurais de conexión entre A Bouza e As Quintáns e Mouxán e A Goulla, realizadas grazas ao financiamento do Plan Marco 2023-2024.
Cabe destacar que A Xunta destinou máis de 531.004,19 euros dos 3.277.278,86 millóns de euros destinados ao Plan Marco na provincia de Pontevedra aos concellos da comarca do Salnés e Ullán.
Reguera aproveitou a visita para destacar a importancia de fomentar a “colaboración entre administracións porque solo así conseguiremos mellorar a vida dos galegos e galegas”.
