Campo Lameiro (Pontevedra), 23 de outubro de 2024

O director xeral de Maiores e Atención Sociosanitaria, Antón Acevedo, acompañado do delegado territorial da Xunta en Pontevedra, Agustín Reguera, e o alcalde de Campo Lameiro, Carlos Costa, visitou esta mañá aos usuarios do centro de maiores de Campo Lameiro para coñecer o funcionamento da Unidade de Vida Activa.

Este centro de maiores inaugurado o pasado ano conta cunha Unidade de Vida Activa, unha iniciativa que o director xeral de Maiores e Atención Sociosanitaria destacou como un elemento fundamental para promover a autonomía e desenvolvemento dos maiores. Ademais, durante a visita puido coñecer o resto de  actividades que desenvolven diariamente os usuarios do centro.

Neste senso, Antón Acevedo fixo fincapé na importancia de contar con iniciativas desta tipoloxía que fomentan o envellecemento activo co uso das novas tecnoloxías, actividades físicas ou talleres emocionais, entre outras actividades.