O presidente da Xunta mantivo un encontro con Sari Rautio
Rueda recibe á embaixadora de Finlandia en España para reforzar os lazos comerciais entre ambos territorios
Santiago de Compostela, 24 de outubro de 2024
O presidente da Xunta, Alfonso Rueda, acompañado do conselleiro de Presidencia, Xustiza e Deportes, Diego Calvo, reuniuse esta mañá coa embaixadora de Finlandia en España, Sari Rautio.
Rueda e a embaixadora falaron sobre asuntos comerciais que incumben ás dúas rexións, como as relativas á área marítimo-pesqueira, as exportacións ou as empresas galegas que operan en Finlandia. Ademais, tocaron outros asuntos nos que poder colaborar máis estreitamente nun futuro, como é o caso do sector turístico.
Imaxes relacionadas
Departamento:
A Presidencia da Xunta
Data de actualización: 24/10/2024
