Santiago de Compostela, 22 de xaneiro de 2025

A conselleira de Vivenda e Planificación de Infraestruturas, María Martínez Allegue, mantivo esta tarde un encontro de traballo coa alcaldesa do Rosal, Ánxela Fernández.

Nesta reunión, a conselleira e a rexedora abordaron actuacións en materia de infraestruturas, de interese para este municipio pontevedrés.

Allegue salientou a importancia da colaboración entre administracións para impulsar actuacións que contribúan a mellorar a calidade de vida dos cidadáns.