Lugo, 26 de xaneiro de 2025

O delegado territorial da Xunta en Lugo, Javier Arias, participou na presentación da temporada 2024/2025 da ADC Sagrado Corazón de Lugo, que se desenvolveu este domingo no Pazo de Feiras e Congresos.

Arias referiuse á “imprescindible labor que o club realiza no fomento do deporte base na cidade, potenciando os equipos das categorías inferiores” e louvou o traballo de “directiva, adestradores, familias e patrocinadores que confían neste proxecto deportivo e social”. Lembrou ademais que o Goberno galego colabora cos clubs e agrupacións deportivas de toda a provincia mediante distintas iniciativas e programas de apoio para realizar actividades e mellorar equipamentos e instalacións.

A ADC Sagrado Corazón, que preside Jacobo Gómez, conta na actualidade con nove equipos e suma máis de 140 xogadores.