A Xunta licita por 26,1 millóns de euros a limpeza do Hospital Universitario da Coruña e do Hospital Abente y Lago
O contrato terá unha duración inicial de dous anos, podendo ser prorrogado por outros 12 meses máis
Abrangue a limpeza do conxunto de dependencias de ambos os centros hospitalarios que, no seu conxunto, suman unha superficie próxima aos 95.000 metros cadrados
As empresas interesadas en participar neste procedemento teñen de prazo ata o vindeiro 19 de maio para presentar as súas ofertas
Santiago de Compostela, 14 de abril de 2025
O Portal de Contratos Públicos de Galicia publica hoxe na súa web a licitación do contrato de limpeza do Hospital Universitario da Coruña e do Hospital Abente y Lago por un importe de 26.190.453 euros.
O expediente abrangue a limpeza do conxunto de dependencias de ambos os centros hospitalarios que, no seu conxunto, suman unha superficie próxima aos 95.000 metros cadrados.
Con este contrato, a Xunta garantirá os niveis de calidade, especialización, supervisión, coordinación e xestión da limpeza, acordes coa importancia do propio proceso de saúde que se leva a cabo nos centros hospitalarios.
As empresas interesadas en participar neste procedemento teñen de prazo ata o vindeiro 19 de maio para presentar as súas ofertas.
