Camariñas (A Coruña), 16 de abril de 2025

O director xeral de Comercio e Consumo, Gabriel Alén, acompañado pola xerente da Fundanción Artesanía de Galicia, Elena Fabeiro, participou na inauguración da XXXIV Mostra do Encaixe, organizado polo Concello de Camariñas e pola Deputación da Coruña e na que se dá a coñecer o oficio tradicional do encaixe, en renovación continua grazas ao traballo de profesionais da artesanía e do deseño. Baixo o lema Un mar de piques, nesta edición as palilleiras continuarán demostrando o seu talento, ao mesmo tempo que deseñadores emerxentes se dan a coñecer coa arte do encaixe coma protagonista.

Na súa intervención Gabriel Alén, resaltou o labor deste evento non só a prol da artesanía, senón de todo o sector textil que cada ano converte ao municipo coruñés no referente e símbolo do oficio tradicional do encaixe, que se está a introducir en diferentes disciplinas, desde o deseño de moda ata a xoiería, sendo un exemplo desto o desfile de moda ArtEncaixe, unha iniciativa xa consolidada da mostra na que artesáns de diferentes eidos acheganse ao encaixe.

O Executivo autónomico colabora nesta iniciativa, para que cada ano poida ser un punto de encontro para o sector artesán e a moda galega, contribuíndo a ser un escaparate da marca Artesanía de Galicia, proxectando a imaxe de Galicia e dos seu oficios cara o exterior, contribuíndo a dinamización económica da contorna.