Rueda recibe aos xogadores e ao equipo directivo do Pontevedra CF tras o seu ascenso a Primeira RFEF

Santiago de Compostela, 21 de abril de 2025

O presidente da Xunta, Alfonso Rueda, recibiu hoxe aos xogadores, corpo técnico e equipo directivo do Pontevedra CF tras o seu ascenso a pasada fin de semana a Primeira RFEF.

Durante a recepción no Pazo de Raxoi, acompañado do conselleiro de Presidencia, Xustiza e Deportes, Diego Calvo, Rueda felicitou ao equipo de fútbol polos logros acadados esta tempada. “Agora hai que ir sempre cara arriba con calma, sentidiño e os pés na terra”, indicou o presidente, quen asegurou que o éxito do Pontevedra CF é “unha honra” para toda Galicia.