O Servizo Galego de Saúde publica a relación provisional das listas de selección temporal de 11 categorías de persoal estatutario
Conforman as listas 4.134 profesionais
A categoría maioritaria é a de enfermería especialista en enfermería familiar e comunitaria, con 729 persoas inscritas
Santiago de Compostela, 24 de abril de 2025
O Diario Oficial de Galicia publica hoxe a relación provisional coa orde de prelación e a puntuación obtida polos aspirantes admitidos no proceso de elaboración das listas de selección temporal de diversas categorías.
O total de aspirantes admitidos foi de 4.134 persoas. Por categorías: 183 en enfermeiro especialista en enfermaría de saúde mental; 121 en enfermeiro especialista en enfermaría do traballo; 729 en enfermeiro especialista en enfermaría familiar e comunitaria; 551 en enfermeiro especialista en enfermaría obstétrico-xinecolóxica (matrona); 202 en enfermeiro especialista en enfermaría pediátrica; 1.102 en médico de familia; 582 en médico de urxencias hospitalarias; 142 en médico coordinador do 061; 201 en médico asistencial do 061; 112 en pediatra de atención primaria; e 209 en técnico de saúde de atención primaria.
O número de novas inscricións en relación ao pasado ciclo é de 29 en enfermeiro especialista en enfermaría de saúde mental; 3 en enfermeiro especialista en enfermaría do traballo; 141 en enfermeiro especialista en enfermaría familiar e comunitaria; 36 en enfermeiro especialista en enfermaría obstétrico-xinecolóxica (matrona); 26 en enfermeiro especialista en enfermaría pediátrica; 174 en médico de familia; 58 en médico de urxencias hospitalarias; 12 en médico coordinador do 061; 19 en médico asistencial do 061; 17 en pediatra de atención primaria; e 37 en técnico de saúde de atención primaria.
As listas atópanse publicadas, á disposición dos interesados, na páxina web do Servizo Galego de Saúde, no apartado Emprego Público-Listaxes de persoal estatutario. Ademais, o estado de cada solicitude pode ser consultado polo aspirante no seu expediente electrónico persoal en Fides/expedient-e/sección de procesos.
As persoas interesadas poderán presentar reclamación ante as xerencias das áreas sanitarias e as direccións con competencias na xestión de persoal das entidades adscritas á Consellería de Sanidade no prazo de dez días hábiles, ata o 9 de maio.
