Santiago de Compostela, 6 de maio de 2025

A rotonda de Sabón, no concello de Arteixo, rexistrará esta noite un corte da circulación no anel inferior para a execución de traballos de conservación de firme.

Os traballos realízanse de noite para reducir a afección ao tráfico. Así, o corte producirase hoxe día 6, a partir das 20,00 horas, e prolongarase ata as 06,00 horas de mañá día 7. Cortarase o anel inferior da rotonda, e os movementos resolveranse no anel superior.

Ademais, aproveitarase para realizar algunha reparación puntual de firme tamén nos ramais de acceso á rotonda.