Ferrol, 16 de xuño de 2025

A delegada territorial da Xunta en Ferrol, Martina Aneiros, presidiu esta mañá unha nova sesión da Comisión Territorial de Coordinación da Delegación Territorial, un órgano de traballo no que tamén participan os directores territoriais das diferentes consellerías que permite facer un seguimento ás actuacións que o Goberno galego está a impulsar nesta área territorial.

Durante o encontro, Aneiros repasou o estado de tramitación do principais proxectos así como as liñas de axudas abertas e as que está previsto convocar nas próximas semanas. Tamén se fixaron as prioridades de cara a segunda metade do ano.