Ferrol, 23 de Xuño de 2025

A delegada territorial da Xunta en Ferrol, Martina Aneiros, achegouse na mañá  de hoxe ao Porto de Curuxeiras para saudar aos participantes na X Travesía Marítima Camiño de Santiago a vela, chegados a Ferrol no día de onte en 17 veleiros. Ferrol é unha das paradas desta travesía que partiu a comezos de mes desde La Rochelle, en Francia, navegando por toda a costa norte de España e agora pola costa galega ata a última etapa ata a Santiago de Compostela que se realizará a pé.

Martina Aneiros aproveitou para desexarlles unha feliz estadía en Ferrol, animándoos a coñecer os fermosos recursos naturais e patrimoniais da cidade así como a celebrar a noite de San Xoán, antes de partir para A Coruña o día de mañá.