A Xunta entrega aos concellos de Foz e Burela as bandeiras azuis que recoñecen a calidade das súas praias
O delegado territorial de Lugo, Javier Arias, participou hoxe nos izados realizados nos areais da Rapadoira y A Marosa, dous dos 16 mariñáns que lucirán este verán o distintivo
Foz (Lugo), 8 de xullo de 2025
O delegado territorial da Xunta en Lugo, Javier Arias, entregou hoxe aos Concellos de Foz e Burela as bandeiras azuis concedidas este ano pola Asociación de Educación Ambiental e do Consumidor (Adeac). Arias participou nos respectivos izados nas praias da Rapadoira (Foz) e A Marosa (Burela).
Estes recoñecementos, de carácter internacional, son outorgados en base a unha serie de criterios de sustentabilidade, accesibilidade e servizos. No caso de Foz, ademais da Rapadoira foi outorgado aos areais de Areoura, As Polas, Llas e Peizás.
En Burela, a bandeira ondeará nas praias da Marosa e O Portelo. Neste municipio tamén foron distinguidos como centros azuis o Barco Museo Reina del Carmen e o Centro de Educación Medioambiental Gaia.
Con esa última categoría, Adeac destaca o labor realizado por aulas de natureza e de mar, espazos de recepción de visitantes ou instalacións similares dedicadas á educación ambiental en municipios relacionados co programa Bandeira Azul.
Arias lembrou que A Mariña suma 25 recoñecementos outorgados por Adeac este ano, entre as bandeiras azuis a 16 praias; o porto deportivo de Ribadeo; os dous centros de visitantes de Burela e seis rutas galardoadas no marco do programa de sendeiros azuis.
Imaxes relacionadas
