Ferrol, 17 de xullo de 2025

A delegada territorial da Xunta en Ferrol, Martina Aneiros, mantivo esta mañá unha reunión de traballo no seu despacho co director xeral de Patrimonio Cultural, Ángel Miramontes, na que tiveron a oportunidade de abordar o estado de diferentes proxectos da Consellería de Cultura, Lingua e Xuventude, como as actuacións programadas de escavacións arqueolóxicas na comarca así como diversos investimentos que serán financiados pola Consellería.