La Xunta da luz verde ambiental condicionada a un proyecto de cultivo experimental de preengorde de almeja en batea en la ría de Arousa
La resolución de la Consellería de Medio Ambiente e Cambio Climático no prevé que la actuación tenga impactos significativos sobre el entorno si se cumplen los condicionantes fijados en el propio informe ambiental y en la documentación evaluada
El proyecto se desarrollará en tres cuadrículas del polígono B, en las proximidades del puerto de A Pobra do Caramiñal
Santiago de Compostela, 23 de octubre de 2025
A Xunta de Galicia vén de conceder a avaliación ambiental favorable, con condicións, ao proxecto de cultivo experimental de preengorde de ameixa en batea na ría de Arousa.
Segundo o informe de impacto ambiental emitido pola Consellería de Medio Ambiente e Cambio Climático, non se prevén efectos adversos significativos sobre a contorna sempre que se cumpran os condicionantes establecidos tanto no documento ambiental e na documentación analizada, como na resolución final da Xunta.
O proxecto foi sometido ao procedemento de avaliación de impacto ambiental simplificada, incluíndo un período de participación pública no que non se recibiron alegacións, e á consulta de dez organismos interesados. Como resultado, incorporáronse diversas condicións recollidas na resolución da Dirección Xeral de Calidade Ambiental e Sostibilidade, así como os requisitos para o programa de vixilancia e seguimento ambiental que deberá elaborar o promotor.
A avaliación conclúe que a iniciativa é viable se se garante o cumprimento das medidas relativas á protección da atmosfera, da poboación e saúde, das augas e leitos mariños, das infraestruturas, da xestión de residuos, da integración paisaxística e do patrimonio natural e cultural.
Unha vez emitido o informe, a Consellería publicou o seu contido no Diario Oficial de Galicia e na súa páxina web, e remitiuno ao órgano substantivo, a Dirección Xeral de Pesca, Acuicultura e Innovación Tecnolóxica da Consellería do Mar.
Características do proxecto
A iniciativa contempla unha autorización temporal con carácter experimental para o preengorde de semente de ameixa babosa, fina, xaponesa e loura en batea, co obxectivo de obter semente para o seu cultivo posterior en bancos marisqueiros ou parques de cultivo.
O proxecto desenvolverase nas cuadrículas 95, 96 e 97 do polígono B do distrito do Caramiñal, na ría de Arousa, preto do porto da Pobra do Caramiñal. As instalacións estarán formadas por bateas reutilizadas de eucalipto de 550 m² con catro flotadores de 14,4 m², situadas en dominio público marítimo-terrestre.
