Córdoba, 23 de outubro de 2025

O director xeral de Planificación Enerxética e Minas, Pablo Fernández Vila, gabou esta mañá o labor que está a levar a cabo a industria dos áridos en Galicia para incrementar a competitividade do sector nun momento especialmente complexo e de transición cara unha economía descarbonizada, dixitalizada e sustentable.

Fernández Vila participou nunha mesa redonda sobre os retos da competitividade para a industria española, no marco do VII Congreso Nacional de Áridos, que se celebra estes días en Córdoba. Alí lembrou o peso dun sector que emprega a segunda materia prima máis consumida e representa máis do 50% dos recursos minerais consumidos e insistiu na necesidade de afondar na colaboración público-privada para adoptar políticas que garantan e faciliten as ferramentas necesarias para a evolución do sector.