Muxía (A Coruña), 9 de novembro do 2025

A directora xeral de Desenvolvemento Pesqueiro, Ángeles V. Suárez, participou este domingo na celebración do Capítulo II da Orde de Cabaleiros e Damas do Percebe Afrodisíaco de Muxía, que ten por obxectivo o enxalzamento da tradición, a cultura mariñeira e o valor gastronómico deste crustáceo tan valorado no eido culinario.

A Orde, creada no 2024, foi apadriñada pola Confraría do Centolo Lapeiro do Grove e o Capítulo Serenísimo do Viño de Albariño de Cambados, no marco dun evento que reuniu a dezasete entidades e colectivos vinculados á exaltación gastronómica de Galicia.