Vigo, 13 de novembro de 2025

O director xeral de Inclusión Social, Arturo Parrado, participou hoxe na entrega de diplomas ás persoas que participaron nas accións formativas desenvolvidas polo Centro Cultural, Artístico e Recreativo Valladares. Os cursos impartidos foron sobre alfabetización lingüística e dixital en castelán e aplicacións informáticas de xestión.

Arturo Parrado felicitou ao alumnado por completar con éxito a súa formación e destacou a importancia deste tipo de programas para mellorar a capacitación e as oportunidades laborais dos participantes.