Vigo, 15 de novembro de 2025

A directora xeral de Persoas con Discapacidade, Begoña Abeijón, participou na inauguración das VII Xornadas da Asociación galega de enfermidades neuromusculares (ASEM). A Xunta colabora con esta entidade referente para as familias e doentes que leva máis de 30 anos traballando na visibilización destas doenzas.

Begoña Abeijón destacou que este tipo de espazos son fundamentais para o intercambio de experiencias e diálogos entre os profesionais, pero tamén coas persoas afectadas. Neste senso, sinalou que desde o Goberno galego apoian as diferentes iniciativas desta entidade que buscan sensibilizar sobre as enfermidades neuromusculares e achegalas á realidade cotiá.

A directora xeral agradeceu o labor que desenvolven as entidades sociais coma esta que representan un piar fundamental para as familias afectadas. Por iso mesmo, trasladou o compromiso da Xunta para seguir traballando da man do tecido asociativo que é a mellor maneira  de chegar ás persoas que máis precisan.