Ferrol, 2 de decembro de 2025

A delegada territorial da Xunta en Ferrol, Martina Aneiros, mantivo esta mañá unha reunión de traballo co presidente do Club Atletismo Narón, Miguel Soto, coa finalidade de interesarse polos proxectos nos que se atopa inmersa actualmente a entidade deportiva que dende hai 37 anos traballa activamente no fomento da actividade saudable dos deportistas de Ferrolterra a través do atletismo.

O encontro enmárcase dentro da rolda de contacto que, de forma habitual, vén mantendo a representante do Goberno galego co tecido asociativo da zona co obxecto de coñecer de primeira man as súas  necesidades e demandas relacionadas coa Administración autonómica.