A Coruña, 20 de febreiro de 2026

O xerente do Servizo Galego de Saúde, José Ramón Parada, destacou a profesionalidade e a humanidade no traballo dos 231 profesionais que se xubilaron o ano pasado na área sanitaria da Coruña e Cee.

O acto de despedida, celebrado hoxe no salón de actos do Complexo Hospitalario Universitario da Coruña, no que tamén participou o xerente da área, Luis Verde, incluíu a conferencia do catedrático Jorge Mira sobre a eclipse solar que o próximo 12 de agosto poderá observarse especialmente nos concellos da área coruñesa.

No seu discurso, o xerente do Sergas resaltou o apartado persoal dos máis de 130 profesionais de atención hospitalaria e preto dun cento de primaria que se retiraron o pasado ano. Recoñeceu que dedicasen “unha parte esencial da súa vida ao servizo público e ao coidado dos demais”.

Neste sentido, José Ramón Parada remarcou que o apoio que os profesionais deron a pacientes e ás súas familias nestes anos que “non aparece nas estatísticas pero constitúe o verdadeiro patrimonio do Servizo Galego de Saúde”.